कोभिड युनिफाइड अस्पतालको प्रमुखबाट तानिएका डा. जागेश्वर गौतम प्रसुती अस्पतालमा

काठमाडौं– सरकारले कोभिड युनिफाइड अस्पताल वीरका प्रमुख प्रशासकीय अधिकृत डा. जागेश्वर गौतमलाई हटाएको छ। विवादमा तानिएका गौतमलाई राज्यमन्त्रीस्तरीय निर्णयबाट थापाथलीस्थित प्रसुती अस्पतालमा सरुवा गरिएको हो।

कोभिड अस्पतालमा नियुक्त भएको दिनदेखी नै डा गौतम उपकरण खरिदमा सेटिङ गरेको, कर्मचारीलाई अख्तियारमा सेटिङ छ भन्दै धम्क्याउने गरेको विषयमा विवादमा थिए। उनीविरुद्ध कर्मचारी आन्दोलनमा पनि थिए।

कर्मचारीले विभिन्न माग राखी आन्दोलन गरेपछि डा. गौतमले प्रहरी प्रशासन बोलाएर स्वास्थ्यकर्मी तथा कर्मचारी कुटाएको आरोप थियो।

स्वास्थ्य राज्यमन्त्री उमेश श्रेष्ठले उनलाई प्रसुती अस्पतालमा सरुवा गरेका हुन्। तत्कालिन केपी शर्मा ओली सरकारले गौतमलाई १० जेठमा वीर अस्पतालमा पठाएको थियो।