अर्थसचिवको सरुवा, नयाँ सचिवमा मरासिनी नियुक्त

काठमाडौं – अर्थमन्त्रालयको सचिवमा महालेखा नियन्त्रक मधु मरासिनी नियुक्त भएका छन्। उनललाई महालेखाबाट अर्थ मन्त्रालयको सचिवमा सरुवा गरिएको हो।

त्यस्तै अर्थसचिव शिशिर कुमार ढुंगानालाई प्रधानमन्त्री तथा मन्त्रिपरिषद्को कार्यालयम सरुवा गरिएको छ। अर्थ मन्त्रालय स्रोतका अनुसार आजमात्रै ढुंगानाले सरुवाको पत्र बुझेका छन्।

हालै बसेको मन्त्रिपरिषद्को बैठकले मरासिनीलाई अर्थसचिवको जिम्मेवारीमा ल्याउने र ढुंगानालाई प्रधानमन्त्री तथा मन्त्रिपरिषद्को कार्यालयमा पठाउने निर्णय भएको थियो।