एमाले छिरेका माओवादी ४ सांसदको मुद्दा न्यायाधीश कार्कीको इजलासमा
कागजपत्र |
काठमाडौं – एमाले छिरेका माओवादी सांसदको मुद्दा सर्वोच्चका न्यायाधीश दीपक कुमार कार्कीको इजलासमा सुनुवाई हुने भएको छ ।
नेकपा एमालेका अध्यक्ष केपी शर्मा ओलीको तत्कालिन सरकारमा रहेका नेकपा माओवादी केन्द्रका तत्कालिन चार नेताले सांसद् पद पुनर्बहालीको माग गर्दै दायर रिटको आज पेसी सर्वोच्च अदालतका न्यायाधीश दीपककुमार कार्कीको इजलासमा तोकिएको हो ।
पूर्वमन्त्री एवं माओवादी केन्द्रबाट निर्वाचित भएका टोपबहादुर रायमाझी, लेखराज भट्ट, प्रभु साह र गौरीशंकर चौधरीले आफूहरूलाई सांसद् पदमा पुनर्बहालीको माग गर्दै बुधबार सर्वोच्च अदालतमा दर्ता गरेका थिए ।
