कतिबेला जुर्यो त प्रधानमन्त्री देउवालाई बालुवाटार छिर्ने साइत ?
कागजपत्र |
काठमाडौं — प्रधानमन्त्री शेरबहादुर देउवा अहिले बिहान बालुवाटारस्थित सरकारी निवासमा सर्दैछन् ।
मंगलबार प्रधानमन्त्रीमा नियुक्त भएका देउवा बुढानिलकण्ठबाट बिहान १० बजे बालुवाटारस्थित निवासमा सर्न लागेको उनको सचिवालयले जनाएको छ ।
देउवा मंगलबार साँझ प्रधानमन्त्री नियुक्त भएपछि निवर्तमान प्रधानमन्त्री केपी शर्मा ओलीले बुधबार बालुवाटारस्थित सरकारी निवास छाडेर बालकोटस्थित निजी निवासमा सरेका थिए ।
प्रधानमन्त्री देउवा पाँचौं पटक प्रधानमन्त्री भएका देउवा ज्योतिषको सल्लाहअनुसार अहिले बिहान १० बजेको शुभसाइतमा सरकारी निवासमा सर्न लागेको जनाइएको छ ।
