एमाले र माओवादी सांसदद्वारा प्रदेशसभा बैठक अवरुद्ध
कागजपत्र |
जनकपुरधाम – प्रदेश २ को प्रदेशसभा बैठक नेकपा एमाले र माओवादी केन्द्रले अवरुद्ध पारेको छ ।
सभामुख सरोजकुमार यादवले बैठक शुरू गरेलगत्तै एमाले र माओवादीका सांसदहरू उभिएर अवरोध गरेका हुन् । उनीहरुले अगामी आर्थिक वर्षको बजेट मन्त्रीको निर्वाचन क्षेत्र केन्द्रित ल्याइएको भन्दै सच्याउन माग गरेका छन् ।
एमाले सांसद सुन्दरबहादुर विश्वकर्माले बजेट पक्षपात र असन्तुलित रहेको बताए । यस्तै नेकपा माओवादी केन्द्रका सांसद दीलिप साहले मन्त्रीले आफ्नो निर्वाचन क्षेत्रमा मनपरी ढंगले बजेट राखेको भन्दै आपत्ति जनाए । बजेटलाई समानुपातिक र सन्तुलित बनाउनुपर्ने उनले माग गरेका छन् ।
