नेपाल पक्षका नेताहरु कोटेश्वरबाट फर्किएसँगै कार्यदलको बैठक सुरु
कागजपत्र |
काठमाडौं – एमाले विवाद समाधानका लागि गठित कार्यदलको बैठक सुरु भएको छ ।
माधव नेपाल पक्षका नेताहरु कोटेश्वरबाट फर्किएसँगै गठित कार्यदलको बैठक सुरु भएको हो ।
एमालेको वार्ता कार्यदलले सहमतिको पार्टीको विवाद समाधानका लागि निर्णायक वार्ता बस्नुअघि नेताहरु नेपाल निवास कोटेश्वरमा पुगेका थिए । सो छलफलबाट उनीहरु फर्किएसँगै सिंहदरबारस्थित अर्थ मन्त्रालयमा बैठक सुरु भएको हो ।
हिजो झण्डै ७ घण्टा बसेको कार्यदलको बैठकले सबै विषयमा मोटामोटी सहमति जुटाइसकेको बताएको छ। माधव नेपाल पक्षले संसद पुनःस्थापना र शेरबहादुर देउवालाई प्रधानमन्त्री बनाउन माग गर्दै अदालतमा बुझाएको हस्ताक्षर फिर्ता नलिने तर अदालतबाट जस्तोसुकै फैसला आए पनि पार्टी एकैठाउँमा रहने गरी सहमति भएको छ।
अध्यक्ष केपी शर्मा ओली र वरिष्ठ नेता नेपालबीच शक्ति बाँडफाँटमा कुरा मिलिसकेको छैन। त्यसको जिम्मा स्वयम् दुई नेतालाई नै दिने कार्यदलको तयारी छ।
अध्यक्ष ओली र वरिष्ठ नेता नेपालबीच गत जेठ २ गतेको सहमतिका आधारमा गठित १० सदस्यीय कार्यदलले कार्य गरिरहेका बेला जेठ ८ गते दोस्रोपटक प्रतिनिधिसभाको विघटन भएपछि एमालेमा विवाद बल्झिएको थियो।
