थप खुकुलो बनाउँदै उपत्यकामा एक साता निषेधाज्ञा थप्ने तयारी

काठमाडौं – पछिल्लोपटक थपिएको निषेधाज्ञा एक दिनमात्रै बाँकी भएसँगै उपत्यकामा थप खुकुलो बनाउँदै निषेधाज्ञा जारी राख्ने तयारी गरिएको छ।

निषेधाज्ञाका सम्बन्धमा छलफलका लागि उपत्यकाका काठमाडौं, भक्तपुर र ललितपुरका प्रमुख जिल्ला अधिकारीहरू संयुक्त रूपमा बैठक आज बस्दैछ, सोही बैठकले आगामी एक साताका लागि केही क्षेत्र खुकुलो बनाउँदै निषेधाज्ञा थप गर्ने तयारी गरेको छ ।

कोरोना संक्रमण हुनेहरुको संख्यामा कमी नआएपछि उपत्यकामा अहिलेका लागि एक साता निषेधाज्ञा थप्ने तयारी गरिएको जनाइएको छ ।

सार्वजनिक यातायात जोर—बिजोर गरेर गत सातादेखि नै सञ्चालनमा आएका छन्। पसलहरू बिहान ६ देखि बेलुकी ७ बजेसम्म चल्न दिइएको छ।