संवैधानिक इजलासका दुई न्यायधीश फेरि विवादमा तानिए, आफ्नै रायले फँसायो
कागजपत्र |
काठमाडौं– सर्वोच्च अदालतको संवैधानिक इजलासका लागि आइतबार तोकिएका दुई जना न्यायाधीश फेरि विवादमा तानिएका छन्।
प्रतिनिधि सभा विघटनसम्बन्धी मुद्दाको सुनुवाईका लागि तोकिएका ५ मध्य न्यायाधीशहरू दिपककुमार कार्की र आनन्दमोहन भट्टराई विवादमा तानिएका छन्।
महान्यायाधीवक्त रमेश बडाल र बरिष्ठ अधिवक्ता सुशील पन्तले दुई जना न्यायाधीशले यो मुद्दा हेर्न नमिल्ने जिकिर गरेका छन्। अघिल्लो पटक विपक्षी पार्टीका तर्फबाट लडेका अधिवक्ताहरुले न्यायाधीश बमकुमार श्रेष्ठ र तेजबहादुर केसीलाई हटाउनुपर्ने माग राखेपछि संवैधानिक इजलास पुनर्गठन गरिएको थियो।
सो मुद्दामा न्यायाधीश कार्की र भट्टराईले हटाइएका श्रेष्ठ र केसी राखे आफूहरु नबस्ने मात्र भनेका थिएनन् रायका क्रममा नेकपा एमाले र माओवादी केन्द्र ब्युँताएको प्रसङ्ग पनि जोडेका थिए।
सोही रायमा टेक्दै अधिवक्ता पन्तले न्यायाधीशले इजलासमा बस्दिन भन्न पाए पनि ‘तिनीहरु रहेका कारणले म रहन्न’ भन्ने अधिकार नरहेको दलील पेश गरेका छन्।
