पछिल्लो २४ घन्टामा ७,४२५ जनामा संक्रमण, १८५ जनाको मृत्यु
कागजपत्र |
काठमाडौं – पछिल्लो २४ घण्टामा नेपालमा थप ७४२५ जनामा कोरोनाभाइरस संक्रमण पुष्टि भएको छ ।
यस्तै उक्त अवधिमा ७ हजार १३५ जना निको भएको स्वास्थ्य मन्त्रालयले जनाएको छ ।
स्वास्थ्य तथा जनसंख्या मन्त्रालयका अनुसार पीसीआर विधिबाट १९ हजार ८४६ र एन्टिजेन विधिबाट ६०७ जनाको परीक्षण गर्दा ७ हजार ४२५ जनामा संक्रमण पुष्टि भएको छ ।
गत २४ घन्टामा १ सय ८५ जनाले कोरोनाका कारण ज्यान गुमाएको पनि मन्त्रालयले जनाएको छ ।
