प्रि-मनसुन थप सक्रिय : मेघगर्जन, हावाहुरी र चट्याङ्गसहित बर्षा


काठमाडौं – नेपालमा आज (बिहीबार) देखि फेरि प्रि-मनसुन थप सक्रिय भएको छ । मार्च १ अर्थात गएको फागुन १७ गतेदेखि शुरु भएको प्रि-मनसुन आजदेखि थप सक्रिय भएको मौसम पूर्वानुमान महाशाखाले जनाएकाे छ ।

अहिले देशमा पश्चिमी न्यूनचापीय प्रणाली, देशको दक्षिण भू–भाग नजिक विकसित भएको न्यूनचापीय क्षेत्र तथा बंगालको खाडीको जलवाष्पयुक्त हावाको प्रभाव छ ।

आज र भोलि मनसुन केही बढी सक्रिय भएर देशका धेरैजसो ठाउँमा पानी पर्ने मौसमविद्ले बताए। प्रदेश–१ का पहाडी भेगमा ठूलो पानी पर्ने सम्भावना रहेको महाशाखाले जनाएको छ । शनिवारदेखि भने फेरि मनसुनको प्रभाव कम हुँदै जानेछ।

अहिले देशभरको मौसम पूर्णदेखि आंशिक बद्ली भएको छ भने प्रदेश एक र गण्डकी प्रदेशका केही ठाउँहरुमा पानी परिरहेको छ । दिउँसो देशका धेरैजसो पहाडी ठाउँहरुमा मेघगर्जन, हावाहुरी र चट्याङ्गसहितको पानी पर्ने सम्भावना रहेको छ । यी ठाउँहरुमा हल्कादेखि मध्यम वर्षा हुने मौसम पूर्वानुमान महाशाखाले जनाएको छ ।

प्रतिक्रिया