प्रधानमन्त्रीको राजीनामा माग्दै नेविसंघको विरोध प्रदर्शन

काठमाडौं-  त्रिचन्द्र क्याम्पसमा नेपाल विद्यार्थी संघ (नेविसंघ) ले प्रधानमन्त्री बालेन्द्र शाहको राजीनामा माग गर्दै प्रदर्शन गरेको छ।

सीमासम्बन्धी विषयमा प्रधानमन्त्रीले दिएको अभिव्यक्ति राष्ट्रहितविपरीत रहेको भन्दै नेविसंघका विद्यार्थीहरूले क्याम्पस परिसरमा भेला भएर विरोध प्रदर्शन गरेका हुन्। उनीहरूले तत्काल राजीनामा दिन माग गर्दै नाराबाजीसमेत गरेका थिए।

प्रदर्शनका क्रममा सहभागी विद्यार्थीहरूले प्रधानमन्त्रीको अभिव्यक्तिप्रति आपत्ति जनाउँदै त्यसलाई गम्भीर रूपमा लिनुपर्ने बताएका छन्।