ठमेलको त्रिदेवी मन्दिरमा बनेको अनाधिकृत संरचना महानगरले भत्कायो

काठमाडौं-  काठमाडौं महानगरपालिकाले ठमेलस्थित त्रिदेवी मन्दिर परिसरमा बनेको अनाधिकृत संरचना भत्काएको छ।

महानगरपालिका–२७ अन्तर्गत पर्ने उक्त क्षेत्रमा बनेका अवैध संरचनामाथि नगर प्रहरीले डोजर चलाएर हटाएको हो।

महानगरका अनुसार सार्वजनिक स्थान र मन्दिर क्षेत्रको सौन्दर्य तथा व्यवस्थापनलाई असर पार्ने गरी निर्माण गरिएका संरचना अनाधिकृत भएको पाइएपछि हटाउने कार्य गरिएको हो।

स्थानीय तहले सार्वजनिक जग्गा र धार्मिक स्थलको संरक्षणका लागि यस्ता अनाधिकृत निर्माण हटाउने अभियानलाई निरन्तरता दिइएको जनाएको छ।