प्रारिम्भक मत परिणामः अधिकांश स्थानमा रास्वपाको अग्रता
कागजपत्र |
काठमाडौं – बिहीबार सम्पन्न प्रतिनिधिसभा सदस्य निर्वाचनको मतगणनामा राष्ट्रिय स्वतन्त्र पार्टीले प्रारम्भिक अग्रता देखाएको छ । गएरातिबाट सुरु भएको गणनामा पुराना दल नेपाली कांग्रेस र एमाले भन्दा रास्वपा धेरै अगाडि देखिएको हो ।
देशभरका विभिन्न ठाउँको प्रारम्भिक मतपरिणाम अनुसार रास्वपा उम्मेदवारले अग्रता लिएका छन् । प्रारम्भिक परिणाम अनुसार रास्वपाले १९ क्षेत्रमा अग्रता लिँदा एमाले तीन र कांग्रेस एक क्षेत्रमा मात्र अगाडि छ ।
चितवन २ मा रास्वपा सभापति रवि लामिछानेले अग्रता लिँदा काठमाडौं १ मा रास्वपाकै रञ्जु दर्शना अगाडि छन्। भक्तपुर २ मा महेश बस्नेतलाई पछाडि पार्दै राजीव खत्री अगाडि छन् । झापा ५ मासमेत केपी शर्मा ओली भन्दा बालेन अगाडि देखिएका छन् ।
चितवन ३ मा नेकपाकी रेणु दाहाललाई पछाडि पार्दै रास्वपाकी सोविता गौतमले अग्रता लिएकी छन् ।
