दुम्सी मार्न गएका पुरुष प्वालमा अड्किएपछि…
कागजपत्र |
काठमाडौं– सप्तरी, कन्चनरुप नगरपालिका–११ मा दुम्सी मार्न गएका एक पुरुष दिलीप रेग्मी (५०) जमिनमुनीको दुम्सीको प्वालमा फसेका थिए।
रेग्मी दुम्सीमा प्रवेश गर्ने क्रममा अड्किएका थिए र उनीसँगै गएका साथीहरूले तत्काल सूचना दिएका थिए। सशस्त्र प्रहरी बल नेपाल, सुरक्षा वेश भारदह र सितापुर, विपद् व्यवस्थापन तालिम प्राप्त टोली तथा नेपाल प्रहरीको संयुक्त टोलीले करिब ५ घण्टा प्रयासपछि, उनलाई जमिनमुनि करिब २० मिटर भित्रबाट सकुशल उद्धार गरेको छ।
उद्धारपछि उनलाई उपचारका लागि धर्मेश्वर अस्पताल, ठेलिया पठाइएको छ। सशस्त्र प्रहरीले उद्धार कार्य सफल भएको र थप सतर्कता अपनाउन सबैलाई आग्रह गरेको छ।
