मलेसियाविरुद्धको सिरिज जितेर नेपाली महिला टिम स्वदेश फर्कियो
कागजपत्र |
काठमाडौं – मलेसियाविरुद्धको पाँच खेलको टी–२० सिरिज जितेको नेपाली राष्ट्रिय महिला क्रिकेट टिम स्वदेश फर्किएको छ ।
शुक्रबार बिहान मलेसियाबाट नेपाली टिम स्वदेश फर्किएको हो ।
त्रिभुवन अन्तर्राष्ट्रिय विमास्थलमा नेपाली महिला खेलाडीलाई नेपाल क्रिकेट संघका सचिव पारस खड्का लगायतले स्वागत गरे ।
मलेसियालाई घरेलु मैदानमा हराउँदै नेपालले पाँच खेलको सिरिज ३–२ ले जितेको हो ।
फाइनलमा मलेसियाले दिएको १०४ रनको लक्ष्य नेपालले पाँच विकेटको क्षतिमा १८ ओभरको समाप्तिमा भेट्टाएको थियो ।
सिरिजको पहिलो खेलमा तीन रनले पराजित भएको नेपाली महिला टिम दोस्रो खेलमा ६ विकेटले विजयी भएको थियो।
तेस्रो खेलमा १३ रनको पराजय भोगेको नेपालले चौथो खेलमा ६ विकेटको जित निकालेको थियो।
