प्रतिनिधिसभा विघटन गरिने, आजै सुशीलाको नेतृत्वमा नयाँ सरकार !

काठमाडौं – प्रतिनिधिसभा विघटन गरिने भएको छ ।

शुक्रबार दिनभर भएको छलफलपछि अन्तरिम सरकार गठन गरी प्रतिनिधिसभा विघटन गर्ने सहमति जुटेको जनाइएको छ ।

यससँगै पूर्वप्रधानन्यायाधीश सुशीला कार्कीलाई आजै बेलुकी सरकार प्रमुख बनाइने पनि जनाइएको छ ।

सहमति जुटेसँगै राष्ट्रपति रामचन्द्र पौडेल कार्कीलाई आजै सो पदमा नियुक्त गर्ने भएका हुन् ।

राष्ट्रपतिका प्रेस विज्ञ किरण पोखेरलले दिएको जानकारी अनुसार राष्ट्रपतिले कार्कीलाई ९ बजे शपथ खुवाउने छन् ।