सुदूरपश्चिम रोयल्समा क्रिस लिनको इन्ट्री
कागजपत्र |
काठमाडौं- नेपाल प्रिमियर लिग (एनपीएल)को दोस्रो संस्करणका लागि सुदूरपश्चिम रोयल्सले अष्ट्रेलियन क्रिकेटर क्रिस लिनलाई अनुबन्ध गरेको छ।
शुक्रबार बिहान टिम व्यवस्थापन (टीएम) मार्फत लिनसँग सम्झौता गरिएको सुदूरपश्चिम रोयल्सले जनाएको छ। यससँगै उनी क्लबमा अनुबन्ध हुने पहिलो विदेशी खेलाडी बनेका छन्।
सन् २०१४ देखि २०१८ सम्म अष्ट्रेलियाका लागि खेलेका लिनले १८ खेलको १६ इनिङमा २९१ रन बनाएका छन्। उनले इन्डियन प्रिमियर लिग (आईपीएल), बिग ब्यास लिग (बीबीएल) लगायतका विश्वप्रसिद्ध फ्रेन्चाइज लिगहरूमा समेत खेलिसकेका छन्।
आगामी मङ्सिर १ गतेबाट सुरु हुने एनपीएलको दोस्रो संस्करणमा सुदूरपश्चिम रोयल्सले लिनको अनुभवलाई ठूलो बलको रूपमा लिन सक्ने अनुमान गरिएको छ।
यसअघि सम्पन्न पहिलो संस्करणमा जनकपुर बोल्ट्सले उपाधि जित्दा सुदूरपश्चिम रोयल्स उपविजेता बनेको थियो।
