दोलखामा भूकम्पको धक्का महसुस, लापिलाङ केन्द्रबिन्दु भएर ४.१ को भूकम्प

काठमाडौं – दोलखा केन्द्रबिन्दु भएर भूकम्प गएको छ ।

राष्ट्रिय भूकम्प मापन केन्द्रका अनुसार जिल्लाको लापिलाङ केन्द्रबिन्दु भएर मंगलबार दिउँसो ३ बजेर १३ मिनेटको समयमा ४ दशमलव १ म्याग्निच्युडको भूकम्प गएको हो ।

यसअघि आज बिहान मात्रै गोरखा अजिरकोट–३ हंशपुर आसपास केन्द्रबिन्दु भएर चार रेक्टरस्केलको भूकम्प गएको थियो । भदौ १ गते रामेछापको हेलम्चो आसपास केन्द्रबिन्दु भएर चार रेक्टर स्केलको भूकम्प गएको थियो ।

नेपालमा पछिल्लो समय स-साना रेक्टरस्केलका भूकम्प जाने क्रम जारी रहेको छ ।