सिङ्गापुरमा विनोद चौधरी र बिल गेट्सबीच भेट, के भयाे छलफल ?

काठमाडाैं- चौधरी ग्रुपका अध्यक्ष तथा सांसद विनोद चौधरीले सिङ्गापुरमा आयोजित फिलान्थ्रपी एसिया एलायन्स–२०२५ सम्मेलनको अवसरमा विश्वविख्यात परोपकारी व्यक्तित्व तथा माइक्रोसफ्ट का सह–संस्थापक बिल गेट्ससँग विशेष भेटवार्ता गरेका छन्।

चौधरीले भेटबारे सामाजिक सञ्जालमा जानकारी दिँदै नेपालको स्वास्थ्य र रोजगारी क्षेत्रहरूले सामना गरिरहेका महत्त्वपूर्ण चुनौतीहरूमा गहिरो र अर्थपूर्ण आदानप्रदान गरेको उल्लेख गरेका छन् ।

चौधरीले भेटबारे सामाजिक सञ्जाल ट्वीटरमा लेखेका छन्, ‘फिलान्थ्रोफी एशिया एलाइन्स (पीएए) को साइडलाइनमा बिल गेट्सलाई भेट्न पाउँदा सम्मानित महसुस गरेको छु । हामीले नेपालको स्वास्थ्य र रोजगारी क्षेत्रहरूले सामना गरिरहेका महत्त्वपूर्ण चुनौतीहरूमा गहिरो र अर्थपूर्ण आदानप्रदान गर्‍यौँ । २०१५ को भूकम्पदेखि कोभिड र बालियो नेपाल मार्फत हाम्रो पोषण कार्यसम्मको दशक लामो साझेदारीको लागि आभारी छौँ । गेट्स फाउन्डेसनका धेरै प्रमाणित विश्वव्यापी स्वास्थ्य पहलहरू नेपालमा ल्याएर हाम्रो सहकार्य विस्तार गर्न उत्साहित छौँ । सँगै, हामी दिगो प्रभाव निर्माण गर्न जारी राख्नेछौँ ।’