उपत्यकाकै ठूलो इभेन्ट भेन्यू ‘म्याजेष्टिक ग्र्याण्ड’ सञ्चालनमा

ललितपुर — ललितपुरको एकान्तकुनामा राजधानीकै ठूलो क्षेत्रफलमा फैलिएको इभेन्ट भेन्यू ‘म्याजेष्टिक ग्र्याण्ड’ सञ्चालनमा आएको छ।

विवाह, ब्रतबन्ध, म्युजिकल कन्सर्ट, फेसन शो, प्रडक्ट लाउञ्जका साथै ठूला–ठूला औपचारिक कार्यक्रमका लागि लक्षित गर्दै म्याजेष्टिक ग्र्याण्ड तयार गरिएको छ।

अन्तर्राष्ट्रियस्तरका लेटेष्ट प्रविधिको साउण्ड सिस्टम, लाइट, विशाल स्क्रिनलगायत इभेन्टका लागि आवश्यक पर्ने हरेक सामग्री म्याजेष्टिक ग्र्याण्डमा जडान गरिएका छन्।

‘म्याजेष्टिक ग्र्याण्डमा इभेन्ट गर्नेहरूलाई उत्कृष्ट अनुभव हासिल गराउन हामीले भरमग्दुर प्रयास गरेका छौँ,’ सञ्चालक सुरज कार्की भन्छन्, ‘म्याजेष्टिक ग्र्याण्ड’ लाई नामजस्तै भव्य बनाउन यसको निर्माण र सजवाटमा विशेष ध्यान दिइएको छ।’

डेस्टिनेसन वेडिङका लागि म्याजेष्टिक ग्र्याण्ड उत्कृष्ट भेन्यू रहेको सञ्चालक कार्की बताउँछन्। नयाँ पुस्ताको सोच र थिम अनुसार भेन्यू तयार गरिएकाले धेरैको रोजाइ पर्ने विश्वास उनले व्यक्त गरे।

२० रोपनी क्षेत्रफलमा फैलिएको यस भेन्यूमा दुईवटा हल रहेका छन्। १४ हजार र १० हजार वर्ग स्क्वायर फिट इनडोर हल भएको यो ब्यांक्वेटको गार्डेन एरियाको क्षेत्रफल २५ हजार वर्ग स्क्वायर फिट रहेको हर्ष बाटिकाका सञ्चालक कार्कीले जानकारी दिए। म्याजेष्टिक ग्र्याण्डको भव्यता र यसको सर्भिस पाँच तारे होटलको भन्दा पनि उत्कृष्ट सेवा र सुलभ मूल्य रहेको सञ्चालक कार्की बताउँछन्।

म्याजेष्टिक ग्र्याण्डको कन्सेप्ट, डिजाइन र निर्माण आरजी क्रियसन्स नेपालले गरेको हो। म्याजेष्टिक ग्र्याण्डमा प्रयोग गरिएका थिम निकै युनिक र अत्याधुनिक छन्।

यसमा प्रयोग गरिएका विशाल स्क्रिन, लाइटिङ सिस्टम, फर्निचर, गार्डेन एरियामा गरिएको सजावटले यसको भव्यता जो कोहीले महसुस गर्न सक्छन्।

एकान्तकुना चोकबाट सातदोबाटो तिर लागेपछि केही मिटरको दुरीमा रिङ रोडको सर्भिस लेनमै जोडिएको यो भेन्यूमा पर्याप्त पार्किङको सुविधा रहेको छ।

यहाँ तीन सय वटा चार पाङ्ग्रे सवारी साधन र पाँच सय वटा मोटरसाइकल सहज ढंगले पार्किङ गर्न सकिने छ ।

म्याजेष्टिक ग्र्याण्डको डिजाइन तथा निर्माण गरेको कम्पनी आरजी क्रियसन्स नेपालका अध्यक्ष राम गिरी भने आफूले निर्माण गर्ने हरेक इभेन्ट भेन्यू ‘मास्टर पिस’ हुने दाबी गर्दै यो पनि फरक रहेको जनाएका छन् ।

‘म कुनै पनि निर्माणलाई भव्य, आकर्षक र सुन्दर बनाउन चाहिने कन्टेन्ट के–के हुन् सक्छन्, तिनको रिसर्च गरेरमात्र अप्लाई गर्छु,’ अध्यक्ष गिरीले भने, ‘जसका कारण आरजी क्रियसनले डेभलप गरेका प्रोजेक्टहरू अन्यभन्दा भिन्न र आकर्षक हुन्छन्।’ आरजी क्रियसनका हरेक डिजाइन फरक र मौलिक पहिचान हुने पनि अध्यक्ष गिरीले जनाए ।

आरजी क्रियसन्सले काठमाडौं उपत्यकालगायत देशका विभिन्न सहरमा दर्जनौँ ब्यांक्वेट, इभेन्ट भेन्यू तथा हस्पिटालिटीसँग सम्बन्धित प्रोजेक्टहरू निर्माण गरिसकेको छ।

पाँचतारे होटलमा भन्दापनि अब्बल इन्टेरियर सामग्री प्रयोग गरेर निर्माण गरिएको म्याजेष्टिक ग्र्याण्ड आरजी क्रियसन्सका लागि समेत गर्व गर्न लायकको इभेन्ट भेन्यू बनेको अध्यक्ष गिरीले बताए। ‘म्याजेष्टिक ग्र्याण्ड’ मा प्रयोग गरिएका फर्निचर, लाइट, डेकोरेसनका आइटम नेपालका कुनै होटल तथा ब्यांक्वेटमा प्रयोग नभएका प्रयोग गरिएको छ,’ अध्यक्ष गिरीले भने।

आफ्नो आवश्यकता र स्पेस अनुसारको साइजमा फ्युजन गरेर इन्टेरियर सामग्री अर्डर गरी आयात गरिने भएकोले अरुभन्दा भिन्न हुने गरेको उनले बताए।

करिब चार हजार जनासम्मको पार्टी आयोजना गर्न सकिने गरी म्याजेष्टिक ग्र्याण्ड तयार गरिएको छ।

ग्राहकको बजेटअनुसार सिल्भर, गोल्ड तथा डाइमन्ड गरेर तीन किसिमको खानाको मेनु तय गरिएको छ। आफ्नो बजेटअनुसार मेनु छनोट गर्न सकिन्छ।

विवाहका लागि चाहिने पुरोहितदेखि गाडी, बग्गी, बाजा, फोटोग्राफी, भिडियोग्राफी, गाडी डेकोरेसनलगायत सम्पूर्ण प्याकेज सुविधा उपलब्ध छ।