नमोबुद्धको जंगलमा लागेको आगलागी स्थानीय र सेनाले लिए नियन्त्रणमा
कागजपत्र |
काभ्रे — नेपाली सेनाले काभ्रेको नमोबुद्ध नगरपालिकामा लागेको आगलागी नियन्त्रणमा लिएको छ ।
सेनाको २६ नम्बर बाहिनी अड्डा कालीजंग गणबाट खटिएको फायर फाइटिङ टोलीले काभ्रेपलाञ्चोकको नमोबुद्ध न.पा.—९ लामीडाँडा ईलाकामा लागेको आगो नियन्त्रणमा लिएको हो ।
उक्त आगलागीको सेनासहित स्थानिय बासिन्दा तथा धुलिखेल नगरपालिकाको दमकलको संयुक्त प्रयासले नियन्त्रणमा लिन सफल भएका थिए । उक्त नियन्त्रणसँगै नमोबुद्धका गाउँबस्ती तथा नमोबुद्ध जंगल ईलाकामा हुन सक्ने ठुलो जीउधनको क्षतिलाई न्यूनिकरण भएको जनाइएको छ ।
