रवि लामिछानेलाई थुनामा पठाउन उच्चको आदेश
कागजपत्र |
काठमाडौं – पूर्व गृहमन्त्री तथा राष्ट्रिय स्वतन्त्र पार्टीका सभापति रवि लामिछानेलाई उच्च अदालत तुलसीपुर, बुटवल इजलासले थुनामा पठाउने आदेश गरेको छ ।
न्यायाधीश रमेश ढकाल र स्वीकृति पराजुलीको संयुक्त इजलासले बुटवलस्थित सुप्रिम सहकारी ठगीसम्बन्धी कसूर र संगठित अपराध सम्बन्धी मुद्दामा जिल्ला अदालत रुपन्देहीको आदेश उल्टाउँदै थुनामा पठाउन आदेश गरेको हो ।
उच्चको यो आदेशसँगै रविले आत्मसमर्पण गर्छन् वा पक्राउ पर्छन् भन्ने बहस सुरु भएको छ । वरिष्ठ अधिवक्ता ईश्वरी भट्टराईका अनुसार उच्चको आदेश अब जिल्ला अदालतमार्फत कार्यान्वयन हुनेछ । उनका अनुसार जिल्लाले दिएको तारेख धाउन जाँदा उनलाई अदालतले प्रहरीलाई खबर गरेर नियन्त्रणमा लिन सकिनेछ ।
नेताहरू आकस्मिक छलफलमा
रास्वपाका सभापति रवि लामिछानेलाई उच्च अदालत तुलसीपुर बुटवलले थुनामा राख्न आदेश दिएपछि नेताहरू आकस्मिक छलफलमा जुटेका छ्न ।
अदालतको आदेश आएपछि भावी योजना तय गर्न छलफलमा जुटेको कार्यबहाक प्रवक्ता मनिष झाले जानकारी दिए ।
