कांग्रेस सभापति देउवा धनगढीमा
कागजपत्र |
काठमाडाैं- नेपाली कांग्रेस सभापति तथा पूर्वप्रधानमन्त्री शेरबहादुर देउवा कैलालीकाे धनगढी पुगेका छन् । गृहजिल्ला डडेल्धुराको विभिन्न कार्यक्रममा सहभागी हुन जान उनी धनगढी पुगेका हुन् ।
देउवा डडेल्धुरामा एकसाता रहेनछन् । सभापति देउवा कात्तिक २६ गते भोली सोमबार डडेल्धुराको आलिताल गाउँपालिका र परशुराम नगरपालिकामा आयोजना हुने कार्यक्रममा सहभागी हुने कांग्रेस डडेल्धुराले जनाएको छ । कार्यतालिका अनुसार कात्तिक २७ गते गन्यापधुरा गाउँपालिकाको बडाल जाँत (जात्रा) मा सहभागी हुने छन् ।
डडेल्धुरा सभापति भीमबहादुर साउदले सभापति देउवा अनुसार देउवाले कात्तिक २८ गते पार्टीको जिल्ला कार्यसमितिको बैठक, पालिकास्तरीय भेटघाट र २९ गते कार्यकर्ता भेटघाट कार्यक्रम रहेको छ। सभापति देउवा कात्तिक ३० गते गन्यापधुरा गाउँपालिका–१ रुवाखोलामा आयोजना हुने कार्यक्रममा सहभागी हुनेछन् । गन्यापधुरा देउवाको गृह पालिका हो । यो पालिकामा नै उनको मतदाता नामावली रहेको छ ।
जिल्ला सभापति साउदले पूर्वप्रधानमन्त्री देउवा मंसिर १ गते डडेल्धुराको उग्रतारा मेलामा सहभागी हुने कार्यक्रम तय भएको पनि जानकारी दिए ।
कांग्रेसको सुदूरपश्चिम प्रदेश कार्यसमितिका प्रवक्ता सुरत रावतका अनुसार डडेल्धुराबाट फर्किएपछि सभापति देउवाले मंसिर २ गते कैलालीको चौमाला बहुमुखी क्याम्पसको भवन उद्घाटन गर्ने कार्यक्रम तय भएको छ ।
