पटाका पड्काउने क्रममा झापाका एक बालक घाइते
कागजपत्र |
झापा- झापाको दमकमा पटका पड्काउने क्रममा एक बालक गम्भीर घाइते भएका छन् ।
मंगलबार साँझ ५ बजे दमक नगरपालिका वडा नम्बर–६ बस्ने ६ वर्षीय बिद्यम अग्रवाल पटका पड्काउने क्रममा घाइते भएका हुन् । उनको अनुहार जलेको छ ।
घाइते बालकलाई उपचारको लागि लाइफलाइन अस्पताल दमकमा लगिएकोमा त्यहाँ उपचार संभव नभएपछि थप उपचारको लागि भारतको सिलिगुडीतर्फ रेफर गरिएको जिल्ला प्रहरी कार्यालय झापाले जनाएको छ ।
