रविलाई बयानका लागि सरकारी वकिल कार्यालयमा उपस्थित गराइयो
कागजपत्र |
काठमाडाैं- राष्ट्रिय स्वतन्त्र पार्टी (रास्वपा) सभापति रवि लामिछानेलाई बयानका लागि सरकारी वकिल कार्यालय कास्कीमा उपस्थित गराइएको छ ।
जिल्ला प्रहरी कार्यालय कास्कीले मंगलबार बयानका लागि लामिछानेलाई सरकारी वकिल कार्यालयमा उपस्थित गराइएको हो ।
लामिछाने कार्तिक २ मा पार्टी मुख्यालय वनस्थलीबाट पक्राउ परेका हुन् । कास्की जिल्ला अदालतका न्यायाधीश नवराज दाहालले उनलाई ६ दिन हिरासतमा राखेर अनुसन्धान गर्न प्रहरीलाई अनुमति दिएका छन् ।
उनीविरुद्ध सुर्यदर्शन सहकारीको संस्थापक अध्यक्ष जीबी राईसँग मिलेर सहकारीको रकम अपचलन गरेको आरोप छ ।
