स्कूल बसको ठक्करबाट बालिकाको मृत्यु, जलाइयो बस

धनुषा- धनुषामा स्कूल बसको ठक्करबाट एक बालिकाको मृत्यु भएको छ ।

मंगलबार बिहान करिब १० बजेको समयमा धनौजी गाउँपालिका- २, गोरदाहास्थित जनजयोती स्कूलको बा ३ प ९०६५ नम्बरको बसले रामजानकी स्कूलमा अध्ययनरत्त आरोही कुमारी मण्डललाई ठक्कर दिएको थियो ।

बसको ठक्करबाट घाइते भएकी आरोहिको उपचारको लागि प्रादेशिक अस्पताल, जनकपुरधाममा ल्याएकोमा उपचारको क्रममा  मृत्यु भएको धनुषाका प्रहरी प्रवक्ता प्रहरी नायव उपरीक्षक बरुणबहादुर सिंहले जानकारी दिए ।

बालिकालाई ठक्कर दिएपछि आक्रोशित स्थानीयले बसमा आगजनी गरेका छन् । बस पूर्ण रुपमा जलेरको प्रवक्ता सिंहले बताए । बसका चालक फरार भएकाले प्रहरी खोजतलाश गरिरहेको  उनले बताए ।