सुनको मूल्यमा नयाँ रेकर्ड, तोलाकै १ लाख ५६ हजार ३ सय

काठमाडाैं- नेपाली बजारमा शुक्रबार सुनको मूल्य तीन हजार रूपैयाँले बढेर नयाँ कीर्तिमान बनाएको छ । नेपाल सुनचाँदी व्यवसायी महासंले अघिल्लो दिनको तुलनामा छापावाल सुनको मूल्य तोलामा ३ हजार रुपैयाँ बढ्दै १ लाख ५६ हजार ३०० रुपैयाँ पुगेको जानकारी दिएको छ ।

जुन मूल्य हालसम्मकै उच्च भएको महासंघले जनाएको छ । बिहीबार सुनको मूल्य तोलामा १ लाख ५३ हजार ३०० रुपैयाँ कायम भएको थियो । पछिल्लो समय सुनको मूल्य निरन्तर उकालो लाग्दै आएको छ ।

अन्तर्राष्ट्रिय बजारमै मूल्यवृद्धिका साथै आन्तरिक बजारमा सुनको भन्सार बढाइएका कारण मूल्यमा प्रभाव देखिएको हो । महासंघले शुक्रबार छापावाल सुन प्रति १० ग्राम १ लाख ३४ हजार रुपैयाँ कायम भएको जनाएको छ ।

शुक्रबार चाँदीको मूल्य पनि १ हजार ८६० रुपैयाँ कायम भएको छ । अघिल्लो दिन चाँदीको मूल्य तोलामा १ हजार ७९५ रुपैयाँ कायम भएको थियो । चाँदीको मूल्य प्रतितोला ५५ रुपैयाँ बढेको छ ।