मैदानमा कहिले फर्किएलान् नेयमार ?
कागजपत्र |
काठमाडौं – ब्राजिलका फुटबलर नेयमार छिट्टै मैदानमा फर्किने तयारी गरेका छन् ।
गतबर्षको नोभेम्बरमा घुँडाको लिगामेन्ट इन्जुरिका कारण मैदान बाहिर रहेका नेयमारले गोप्य रुपमा आफ्नो इन्जुरिबाट फर्किन तयारी गरिरहेको भएपनि उनी कहिले देखि मैदानमा फर्किन्छन् भन्ने स्पष्ट भएको छैन ।
३२ बर्षिय नेयमार साउदी क्लब अल हिलालमा गएपनि केवल ५ खेल खेलेका छन् र एक गोल मात्र गरेका छन् ।
यस अघि सेप्टेम्बर वा बढीमा अक्टोबरसम्म नेयमार पूर्ण रुपमा फिट हुने बताइएको थियो । नेयमारले पनि सामाजिक सञ्जालमा एक पोष्ट गर्दै ‘वर्क इन् साइलेन्स’ भन्दै ऊनी २०२४ मा मैदानमा नदेखिने रिपोर्टको जवाफ दिएको बुझिएको छ ।
नेयमारले हाल अल हिलालको रिह्याब सेन्टरमा कडा मिहिनेत गरिरहेको बताइएको छ ।
यसैबीच अल हिलालले भने नेयमारलाई जनवरीसम्म आफ्नो साउदी प्रो लिगको टिमबाट बाहिर राखेको छ । अल हिलालले नेयमारलाई एशियन च्याम्पियन्स लिगको टिममा भने समावेश गरेको छ । लिगमा ८ विदेशी खेलाडी मात्र राख्न पाउने भएका कारण नेयमारलाई टिम बाहिर राखिएको बताइएको छ । अल हिलालले नेयमार ठिक भएपनि साउदी लिगमा जनवरीपछि मात्र खेलाउने संकेत देखिएको छ ।
