पोखराबाट काठमाडौं उडेको जहाज भैरहवा अवतरण, पोखरा विमानस्थल बन्द
कागजपत्र |
काठमाडौं — बिहानैदेखि परेको अविरल वर्षाका कारण आन्तरिक उडान प्रभावित बनेका छन् ।
काठमाडौंको मौसममा खराबी आएपछि पोखराबाट काठमाडौं आउँदै गरेको बुद्ध एयरको एउटा जहाज डाइभर्ट भएर भैरहवा पुगेको छ ।
काठमाडौंस्थित त्रिभुवन विमानस्थलको मौसम खराबीका कारण करिब २० मिनेर आकाशमा घुमेर यो जहाज भैरहवास्थित गौतमबुद्ध विमानस्थल अवतरण भएको हो ।
पोखरा विमानस्थलकी सूचना अधिकारी जसोदा रेग्मीले भिजिविलिटी कम हुँदा सुरक्षामा ख्याल गर्दै जहाजलाई भैरहवा डाइभर्ट गर्नुपर्ने अवस्था आएको बताइन् ।
उनका अनुसार भिजिबिलिटी कम भएकाले पोखरा विमानस्थल पनि अहिले बन्द गरिएको छ । पछिल्लो समय भएका दुई ठूला दुर्घटनापछि हवाई सुरक्षा सतर्कता बढाइएको छ ।
