इन्द्रावतीमा पहिरोले तटीय क्षेत्रका बासिन्दा त्रसित

काठमाडौँ – सिन्धुपाल्चोकको पाँचपोखरी थाङपाल गाउँपालिकास्थित इन्द्रावतिमा पहिरो खसेपछि नदी तटीय क्षेत्रका बासिन्दा त्रसित भएका छन् ।

गाउँपालिकाको वडा नम्बर–७ र १ को बिचमा वडा नम्बर १ तिरबाट नदीमा पहिरो खसेको छ । पहिरोका कारण नदीको निकास नरोकिएको हुनाले खतराको अवस्था नभएको सिन्धुपाल्चोकका एसपी सन्तोष खड्काले बताए ।

तिपेनी भन्ने ठाउँमा गएको पहिरोका कारण मेलम्ची बजार आसपासका बासिन्दा प्रभावित भएका छन् । प्रभावित क्षेत्रमा सतर्कता अपनाउन भनिएको र थप पहिरो खसेमा निकास दिन स्काभेटर तयारी अवस्थामा राखिएको एसपी खड्काले जानकारी दिए ।

सेनाले जोखियुक्त अवस्था आएमा विष्फोट गराउन टिम परिचालन गरेको छ । पहिरोका कारण पाँचपोखरी अस्पताल उच्च जोखिममा परेको छ । तटीय क्षेत्रमा सावधानी अपनाउन भनिएको एसपी खड्काले बताए ।