सन्दीप लामिछानेलाई ए ग्रेडमा राख्ने क्यानको निर्णय, १ लाख तलब पाउने
कागजपत्र |
काठमाडौं– नेपाल क्रिकेट संघ (क्यान) ले क्रिकेटर सन्दीप लामिछानेलाई ए ग्रेडमा राख्ने निर्णय गरेको छ ।
क्यानको हिजो बसेको बैठकले यस्तो निर्णय गरेको हो ।
सन्दीप बलात्कार मुद्दामा निलम्बन रहेको अवस्थामा उनी क्यानको सेन्ट्रल कन्ट्रयाक्टमा थिएनन् ।
उनले उच्च अदालतबाट बलात्कार मुद्दा सफाइ पाएपछि विश्वकप समेत खेलेका थिए ।
ए ग्रेडमा कप्तान रोहित पौडेलसहित सोमपाल कामी, दीपेन्द्रसिंह ऐरी, आसिफ शेख र कुशल भुर्तेल रहेका छन् ।
यसमा अब सन्दीप पनि अटाएका छन् । ए ग्रेड मा परेका खेलाडीलाई क्यानले मासिक १ लाख रुपैयाँ तलब दिदै आएको छ ।
