ओलीलाई भेटेपछि महासेठले प्रचण्डलाई भनेका थिए–सरकार ढल्दैन ढुक्क हुनुुस्

काठमाडौं–एमालेबाट पुष्पकमल दाहाल प्रचण्ड नेतृत्वको सरकारमा नेतृत्व गरेका उपप्रधानमन्त्री रघुविर महासेठ गएराति अध्यक्ष केपी शर्मा ओलीको निवास बालकोट पुगे । एमालेबाट सरकारको नेतृत्व महासेठले नै गर्छन् ।

विकसित राजनीतिक घटनाक्रमबारे ओलीले छलफल गर्न बोलाएपछि महासेठ बालकोट पुगेका थिए ।

बाल्कोटमा महासेठले ओलीलाई भेटे । त्यतीबेलासम्म महासेठलाई सरकार ढल्न लागेको संकेत थिएन ।

ओलीसंगको भेटपछि महासेठ प्रधानमन्त्रीलाई भेट्न वालुवाटार पुगे । बालुवाटारमा उनले प्रधानमन्त्रीलाई भने,‘सबै ठिक छ प्रधानमन्त्री ज्यु । सरकार फेरिने हल्ला मात्रै हो । म भरखर बाल्कोटबाट आएको हुँ ।’

तर गएराति नै एमाले–कांग्रेस नयाँ गठबन्धन बनिसकेको छ । कुरा बाहिरिने डरले ओलीले सरकारमा सहभागि मन्त्रीहरुलाई समेत के भइरहेको छ भन्नेबारे जानकारी गराएका थिएनन् ।