![](https://kagajpatra.com/wp-content/uploads/2024/01/kshamadevi.gif)
आइसीसीले भारतलाई दिएकाे ट्रफी ‘नक्कली’ ! कता छ सक्कली ?
![](https://kagajpatra.com/wp-content/uploads/2024/07/i4qd5esk_virat-kohli-rohit-sharma_625x300_30_June_24.webp)
काठमाडाैं- टी-२० विश्वकप २०२४ भारतीय टीमले जितेकाे छ । फाइनल खेलमा जित हात पारेपछि भारतीय टोलीका कप्तान रोहित शर्मालाई टी–२० विश्वकपको चम्किलो ट्रफी प्रदान गरिएको छ । चाँदीबाट बनेको त्यो ट्रफी निकै सुन्दर र आकर्षक छ ।
टी–२० विश्वकपको ट्रफी एकदिवसीय विश्वकपको भन्दा फरक छ । एकदिवसीय विश्वकप ट्रफी सुनले बनेको छ। जबकि टी-२० विश्वकप ट्रफी चाँदीको बनेको छ ।
यो ट्रफी पूरै चाँदी र रोडियमबाट बनेको छ । यसको ताैल लगभग १२ किलो छ । यसको उचाइ ५७.१५ सेमी छ। मिडिया रिपोर्टका अनुसार यसको मूल्य १५ देखि २० लाख रुपैयाँसम्म रहेको छ ।
सक्कली ट्रफी नै दिइन्छ ?
एकदिवसीय विश्वकप जस्तै टी–२० विश्वकपको सक्कली ट्रफी पनि टोलीलाई दिइएको छैन । यो ट्रफी आईसीसीले आफूसँग राखेको छ । जबकी नक्कली अर्थात रेप्लिका(समान देखिने ) ट्रफी विजेता टोलीलाई दिइन्छ । आईसीसीले प्रत्येक टोली अनुसार सबै मूल ट्रफीहरू आफ्नो क्याबिनेटमा राख्छ ।
रेप्लिका कसले राख्छ ?
विजेता टोलीले प्राप्त गरेको रेप्लिका ट्रफी कुनै खेलाडी, कप्तान वा प्रशिक्षकलाई दिइँदैन । क्रिकेट बोर्डले यसलाई आफ्नो क्याबिनेटमा राख्छ । यसअघि भारतले ३ पटक विश्वकप जितेको छ । जसमा २००७ को टी-२० विश्वकप र सन् १९८३ र २०११ को एकदिवसीय विश्वकप समावेश छ । क्रिकेट बोर्ड अर्थात बीसीसीआईले यी तीन विश्वकपलाई आफ्नो क्याबिनेटमा राखेको छ ।
![](https://kagajpatra.com/wp-content/uploads/2023/08/small-V.gif)