महिला प्रहरीसँग होटलमा भेटिएका डीएसपीकाे भयाे घटुवा, अब सिपाही
कागजपत्र |
काठमाडौं- भारतमा पारिवारिक कारण देखाएर बिदा मागेका डीएसपी महिला प्रहरीसँग हाेटलमा भेटिएपछि कारबाहीमा परेका छन् । उत्तर प्रदेश राज्यस्थित उन्नावको तत्कालीन सर्कल अफिसर रहेका डीएसपी कृपा शंकर कनौजियाले ६ जुलाई २०२१ मा उन्नाव एसपीसँग पारिवारिक कारण देखाएर बिदा मागेका थिए ।
तर बिदापछि उनी घर नगएर कानपुरको एउटा होटलमा गएका थिए । बिदा लिएर डीएसपी कृपा शंकरले मोबाइल बन्द गरेपछि उनकी पत्नीले घर नआएको भन्दै सहयोग माग गरेकी थिइन् ।
अनुसन्धान हुँदा उनी होटलमा एक महिला प्रहरीका साथ भेटिएका थिए । त्यसपछि राज्य सरकारले डीएसपीलाई घटुवा गरेर सिपाही बनाएको छ । अहिले कृपा शंकरलाई गोरखपुरमा सिपाहीका रूपमा खटाइएको छ ।
