कुवेतमा कामदार बस्ने भवनमा आगलागी हुँदा ४१ जनाको मृत्यु
कागजपत्र |
काठमाडौं- दक्षिण कुवेतको मङ्गाफ सहरमा कामदार बस्ने एक ६ तले भवनमा आगलागी हुँदा कम्तीमा ४१ जनाको मृत्यु भएको छ । आगलागीमा परी कयौँ घाइते भएका छन् ।
स्थानीय समयअनुसार बुधबार बिहान ६ बजे आगलागी हुँदा कम्तीमा ४१ जनाको मृत्यु भएको घटनास्थल पुगेका कुवेतका उपप्रधानमन्त्री शेख फहाद युसुफ साउद अल–सबाहले बताएका छन् ।
उक्त भवनमा नेपाली पनि रहेको भन्ने सूचना पाएकाे कुवेतका लागि नेपाली राजदूत घनश्याम लम्सालले बताएका छन् । तर, अहिलेसम्म घटनामा नेपाली परेको भन्ने कुनै जानकारी नआएको उनले बताएका छन् ।
