त्रिभुवन विमानस्थलको धावनमार्ग फेरि चर्कियो, उडान ठप्प
कागजपत्र |
काठमाडौं – त्रिभुवन अन्तर्राष्ट्रिय विमानस्थलको धावनमार्ग फेरि चर्किएको छ ।
त्रिभुवन अन्तर्राष्ट्रिय विमानस्थल कार्यालयका महानिर्देशक जगन्नाथ निरौलाका अनुसार धावनमार्ग चर्किएपछि अन्तरिक र अन्तर्राष्ट्रिय सबै उडान रोकिएका छन् ।
चर्किएको धावन मार्ग टाल्न समय लागेपछि एक घण्टादेखि उडान रोकिएको छ । आन्तरिक तथा अन्तर्राष्ट्रिय उडानका सयौँ यात्रु अहिले उडानको प्रतिक्षामा छन् भने विदेशबाट आएका र आन्तरिक उडानका जहाजहरूलाई होल्ड गरिएको छ ।
यसअघि गत जेठ ११ गते पनि धावनमार्गको कोटेश्वरतर्फको भाग (०२ सी-डी) मा चिरा देखिएपछि विमानहरू होल्ड गरिएको थियो ।
