रतुवा खोलाले जिप बगाउँदा महिला र बच्चा मृत अवस्थामा फेला

काठमाडौं – इलामकाे रतुवा खोलाले जिप बगाउँदा बेपत्ता भएका एक महिला र बच्चा मृत फेला परेका छन्।

खोलाले बगाएको ठाउँभन्दा केही तल एक जना बच्चा र महिलाको शव प्रहरीले फेला पारेको छ। उनीहरूको पहिचान खुलिसकेको छैन।

इलामको लारूम्बा गाउँबाट दमकतिर आउँदै गरेको बोलेरो जिपलाई इलामकै चुलाचुली गाउँपालिका वडा ५ चपेटीभन्दा माथिको रतुवा खोलाले बगाएको थियो।

उक्त जिपमा चालकसहित ६ जना यात्रु सवार थिए। ६ जनामध्ये ४ जनाको उद्धार भएको छ।