नाला खन्ने क्रममा खसेको ढुंगाले लागेर एक जनाको मृत्यु
कागजपत्र |
चितवन — मुग्लिङ–नारायणगढ सडकखण्डमा नाला खन्ने क्रममा खसेको ढुंगाले लागेर एकजनाको मृत्यु भएको छ ।
आइतबार बिहान इच्छाकामना गाउँपालिका–५, स्थित तीन नम्बर पुलनजिक नाला खन्ने क्रममा माथिबाट झरेको ढुंगाले लाग्दा एकजनाको मृत्यु भएको प्रहरीले जानकारी दिएको छ ।
मृतकको परिचय खुलिनसकेको चितवनका प्रहरी नायव उपरीक्षक भेषराज रिजालले जानकारी दिए ।
ढुंगाले निर्माण कम्पनीको मेसिनमा क्षति पुगेको सडक डिभिजन भरतपुरका सूचना अधिकारी चण्डेश्वर साहले जानकारी दिए । हाल उक्त सडकखण्डमा एकतर्फी सवारी सञ्चालनमा रहेको उनले जानकारी दिए ।
