सिरोहियाको पक्राउपछि अमेरिकी दूताबासको विज्ञप्ति
कागजपत्र |
काठमाडौं – कान्तिपुर मिडिया ग्रुपका अध्यक्ष कैलाश सिरोहिया पक्राउको भोलिपल्ट प्रेस स्वतन्त्रताको पक्षमा वकालत गर्दै एक विज्ञप्ति जारी गरेको छ ।
दूताबासद्वारा जारी उक्त विज्ञप्तिमा प्रेस स्वतन्त्रता र जनताको मौलिक अधिकार सुनिश्चित गर्न नेपाल सरकार लाग्नेछ भन्ने आशा गरेको उल्लेख गरिएकोले सिरोहियाकै पक्राउप्रति लक्षित गरिएको छ ।
दूतावासले विज्ञप्तिमार्फत् सांकेतिकरूपमा सिरोहियाको पक्राउप्रति असन्तुष्टि समेत जनाएको छ ।
विज्ञप्तिमा भनिएको छ, ‘अझ परिपूर्ण मुलुक बन्ने दिशामा आफ्नो प्रयास जारी राख्दै गर्दा अमेरिकाका निम्ति प्रेस स्वतन्त्रता, जवाफदेही र पारदर्शीता मार्गदर्शक सिद्धान्तहरू हुन् । कठिन संघर्षपश्चात प्राप्त लोकतन्त्रलाई आकार दिने कार्यलाई नेपालले जारी राख्दै गर्दा सुशासन, प्रेस स्वतन्त्रता र जनताका मौलिक अधिकारहरू सुनिश्चित गर्नेबारे नेपाल सरकार र नेपाली जनताले पनि सार्थक संवाद गर्नेछन् भन्ने आशा हामीले राखेका छौँ ।’
