डिजीलाई समेत हातमा लिएर नापीमा उपद्रो मच्चाउँदै उपसचिव ढकाल
कागजपत्र |
काठमाडौं- नापी विभागमा हैकम जमाएर एक उपसचिवले उपद्रो मच्चाएकाे खबर बाहिर आएको छ । उपसचिव हुन् दामोदर ढकालले आफूलाई खुसी नपार्ने कर्मचारीलाई पेल्ने गरेकाे बताइएकाे छ ।
यतिसम्मकी उनले डिजी प्रकाश जोशीलाई पनि हातमा लिएर असुली धन्दा गरिरहेकाे गुनासाे त्यहाँका कर्मचारीले गरेका छन् ।
गुल्मी घर भएर हाल बानेश्वर बस्दै आएका उनी विगत ६ वर्षदेखि विभागमा डेरा जमाएर बसेका छन् । उनले कार्यालयसहित अन्य सरुवा बढुवामासमेत चलखेल गर्ने गरेका छन् । पैसा नै उठाएर दामोदर ढकाले सरुवा बढुवा गर्ने गरेकाे स्राेत बताउँछ । त्यति मात्रै हाेइन काँग्रेसी हुँ भन्ने गरेका ढकालले अख्तियारमासमेत सेटिङ मिलाउने भन्दै पैसा उठाउने गरेको गुनासो छ ।
उनले आफ्नो विरोध गर्ने कर्मचारीरलाई साइड लगाउने गरेका छन् । उनै ढकालले नेपाल सरकारबाट संविधान दिवस २०७८ प्रवल जनसेवा श्री पदक पनि पाएका थिए ।
उक्त विषयमा ढकालले सबै आरोपहरु निराधार भएकाे बताएका छन् ।
