विजयोत्सवमा सहभागी हुन इलाम आउँदै अध्यक्ष ओली
कागजपत्र |
इलाम — इलाममा एमाले उम्मेदवार सुहाङ नेम्बाङले जित हात पारेसँगैको विजयी सभामा सहभागि हुन एमाले अध्यक्ष केपी शर्मा ओली इलाम आइपुग्ने भएका छन् ।
नेकपा एमालेले मंगलबार दिउँसो इलाममा विजय सभा गर्ने भएपछि ओली इलाम आउने भएका हुन् । इलाम बजारमा दिउँसो हुने सभामा पार्टी अध्यक्ष केपी ओलीले सम्बोधन गर्नेछन् ।
इलाम बजारको सभा सकेर नव निर्वाचित संघीय सांसद सुहाङ निर्वाचन क्षेत्रका पालिकाका मतदातालाई धन्यवाद प्रकट गर्न स्थानीय तहमा जानेछन् ।
नेम्वाङ २७ हजार ७७२ मतसहित इलाम २ मा निर्वाचित भएका हुन् । उनका निकटतम प्रतिस्पर्धी नेपाली कांग्रेसका डम्बरबहादुर खड्काले २१ हजार ९ सय ४२ मत पाएका थिए । नेम्बाङ ५ हजार ८३० मतान्तरले विजयी भएका हुन् ।
