जरिवानामा परे कोलकाताका कप्तान श्रेयस, १२ लाख तिर्नुपर्ने

काठमाडाैं- भारतमा जारी इण्डियन प्रिमियर लिग (आइपिएल) टिम कोलकाता नाइट राइडर्सका कप्तान श्रेयस अय्यर जरिवानामा परेका छन् । स्लो ओभर रेटका कारण उनी  १२ लाख भारु जरिवानामा परेका हुन् ।

मंगलबार राति कोलकाताले  राजस्थानसँग खेलेको थियो । उक्त खेलमा निर्धारित समयभित्र बलिङ गर्न नसकेपछि अय्यरलाई जरिवाना गरिएको हो ।

राजस्थानसँगको खेलमा कोलकाता २ विकेटले पराजित भएकाे थियाे ।  कोलकाताले ६ खेल खेल्दा चारमा भने जित निकालेको छ ।