‘झुट्टा प्रमाण राखी निर्दोषहरूको जिन्दगीसँग खेल्नेहरूको २०८१ सालमा सर्वनाश होस्’
कागजपत्र |
काठमाडौं– नेपाल प्रहरी केन्दिय अनुसन्धान ब्यूरोका प्रहरी नायब उपरिक्षक (डिएसपी) रुगम कुँवरले नयाँ वर्षको शुभकामना दिँदै सुनको अवैध पैठारी (तस्करी) नियन्त्रणसम्बन्धी जाँचबुझ आयोगले बदनियत राखेर कारबाही सिफारिस गरेको दाबी गरेका छन् ।
झुट्टा प्रमाण राखेर निर्दोषहरूको जिन्दगीसँग खेलिएको दाबी गर्दै उनले लेखेका छन्, ‘झुट्टा प्रमाण राखी निर्दोषहरूको जिन्दगीसँग खेल्ने, अर्काको बदनाम र बेइज्जत गर्न रमाउनेहरूको २०८१ सालमा सर्वनाश होस् !! नयाँ वर्षको पावन अवसरमा आफन्त तथा सम्पूर्ण नेपाली दाजुभाइ तथा दिदी बहिनीहरूमा हार्दिक मङ्गलमय शुभकामना व्यक्त गर्दछु।’
उनले यसअघि पनि जुन तथ्य र प्रमाणमा टेकेर कारबाहीको सिफारिस गरेको छ त्यो प्रमाण नै झुट्टा बनाईएको दाबी गरेका थिए ।
जाँचबुझ आयोगको प्रतिवेदनमा फरार रहेका जीवन चलाउनेसँग बिगत ८ महिनामा २४ सय पटक फोन सम्पर्क भएको, सुन र चलाउनेको विषयलाई कोही अमुक पात्रलाई फोनबाट म्यासेज पठाएको आधार लिँदै आयोगले डिएसपी कुँवरलाई कारवाहीको सीफारिस गरेको स्रोतले जनाएको छ । यस विषयमा डिएसपी कुँवरले आयोगलाई आफ्नो कल रेकर्ड हेर्न चुनौती दिएका छन् ।
यो पनि:
