

आमाको हत्या गरेर भागेका छोरा पक्राउ

मकवानपुर- मकवानपुरमा आमाको हत्या आरोपमा छोरा पक्राउ परेका छन् ।
थाहा नगरपालिका-१० तल्लो बिसिङखेल बस्ने २६ वर्षका मिलन गमाललाई आफ्नै आमाको हत्या गरेको आरोपमा प्रहरीले पक्राउ गरेको हो ।
उनलाई इलाका प्रहरी कार्यालय पालुङको टोलीले आइतबार राति पक्राउ गरेको बागमती प्रदेश प्रहरी कार्यालय हेटौंडाले जनाएकाे छ । घरमा मृत भेटिएकी ज्ञानीमाया गमालको हत्या छोरा मिलनलेनै गरेको अनुसन्धानबाट खुल्न आएको प्रहरीले जनाएको छ ।
३० फागुनमा ज्ञानीमाया आफ्नै घरको खाटमा सुति रहेको अबस्थामा मृत भेटिएकी थिइन् । घटनाको बारेमा अनुसन्धान गर्ने क्रममा घरायसी विवादका क्रममा मिलनले आमाको हत्या गरी फरार भएको पाइएको थियो ।
पक्राउ परेका मिलन माथि आवश्यक अनुसन्धान भइरहेको प्रहरीले जनाएको छ ।

