विमानस्थलमा एकतर्फबाट मात्रै अवतरण गर्न पाइने, किन लगाइयो उत्तरतर्फबाट अवतरणमा प्रतिबन्ध ?

काठमाडौं — त्रिभुवन अन्तर्राष्ट्रिय विमानस्थलको रनवेको उत्तरतर्फबाट अवतरणमा रोक लगाइएको छ ।

विमानस्थल महाबन्धक प्रतापबाबु तिवारीका अनुसार उत्तरतर्फको विन्दु (टु–जिरो)बाट तीन महिनासम्म जहाज अवतरणमा रोक लगाइएको हो ।

अब रेनवेको दक्षिणतर्फको विन्दु (जिरो–टु)बाट मात्र अवतरण हुने छ । जसले गर्दा अब केही दिन दक्षिण तर्फको रनवेमा केही चाप हुनेछ ।

काठमाडौं विमानस्थलका महाप्रबन्धक प्रतापबाबु तिवारीले विमानस्थलको पूर्वाधार सुधारको क्रममा उत्तरतर्फ ट्याक्सी(वे निर्माण तथा विस्तारको काम भइरहेकाले आजदेखि बौद्धतर्फको टु-जिरो रनवेबाट जहाज अवतरण गर्न रोक लगाइएको जानकारी दिए । यसबाट पर्वतीय उडान र आन्तरिक उडान प्रभावित हुनेछन् । यस्तो रोक अनुमानित तीन महिनाका लागि भएको जनाइएको छ ।