कर्णालीमा हामफालेका शाहीको शव घाटमा भेटियो
कागजपत्र |
कैलाली- कैलालीको चिसापानीस्थित कर्णाली नदीमा हाम फालेर बेपत्ता भएका युवकको शव फेला परेको छ।
सोमबार जिल्लाको लम्कीचुहा नगरपालिका–३ चिसापानीका अन्दाजी ३० वर्षीय लोकेन्द्र शाही कर्णाली नदीमा हाम फालेर बेपत्ता भएका थिए ।
चार दिनदेखि बेपत्ता रहेका शाहीको शव आज (बिहीवार) टीकापुरको सन्कट्टी घाटमा फेला परेको जिल्ला प्रहरी कार्यालय कैलालीले जनाएको छ ।
सोमबार दिउँसो युवाहरूले कर्णाली नदीमा हाम फालेका थिए । १७ जनाले हामफालेकोमा शाही बेपत्ता भएका थिए ।
