अछामको मेल्लेखमा ट्याक्टर दुर्घटना, ५ को मृत्यु, ३ जना घाइते
कागजपत्र |
अछाम — अछाममा ट्याक्टर दुर्घटना हुँदा ५ जनाको मृत्यु भएको छ।
अछामको मेल्लेख गाउँपालिकामा सोमबार बिहान भएको सु–प्र–०१००२ च ४९७९ नम्बरको ट्याक्टर दुर्घटनामा ५ जनाको मृत्यु भएको र ३ जना घाइते भएको जिल्ला प्रहरी कार्यालय अछामले जनाएका छ ।
जिल्ला प्रहरी कार्यालय अछामका डिएसपी सन्तोष पाठकका अनुसार सोमबार बिहान पौने १० बजे मेल्लेख गाउँपालिका वडा नम्बर ७ मा भएको ट्याक्टर दुर्घटनामा ५ जनाको घटनास्थलमै मृत्यु भएको हो।
ट्याक्टर अनियन्त्रित भएर सडकबाट ५० मिटर तल खसेको थियो। दुर्घटनामा तीन जना घाइते छन्। उनीहरूलाई उपचारका लागि बयलपाटा अस्पताल लगिएको छ।
मृतकको सनाखत गर्ने काम भइरहेको प्रहरीले जनाएको छ। ट्याक्टर साँफेबगरतर्फ जाँदै थियो।
