बिहेको प्रलोभन देखाएर बेच्न खोजेको आरोपमा पक्राउ
कागजपत्र |
काठमाडौं- प्रलोभनमा पारी बिहे गरी मानव बेचबिखन गरेको आरोपमा प्रहरीको मानव बेचबिखन नियन्त्रण ब्युरोले पूर्वी नवलपरासीको कावासोतीका दुर्गाबहादुर पौडेल क्षेत्रीलाई पक्राउ गरेको छ ।
काठमाडौंबाट पोखरा जाने क्रममा सार्वजनिक बसमा भेटिएकी युवतीलाई दुर्गाले प्रलोभनमा पारेर भारत लैजान खोजेका थिए ।
भारत लैजाने क्रममा मानव बेचबिखनविरुद्ध काम गर्ने संस्थाले ती युवतीको उद्धार गरेको थियो । त्यसपछि पीडितको जाहेरीका आधारमा प्रहरीले उनलाई भक्तपुरको दूधपाटीबाट पक्राउ गरेको थियो ।
