प्रधानमन्त्री र गृहमन्त्रीको डिजाइनमा व्यवसायी चाैधरी पक्राउ परेः सांसद शर्मा
कागजपत्र |
काठमाडौं – नेपाली कांग्रेसका सांसद सुनिल शर्माले प्रधानमन्त्री पुष्पकमल दाहाल ‘प्रचण्ड’ र गृहमन्त्री नारायणकाजी श्रेष्ठको डिजाइनमा व्यवसायी अरुण चौधरी पक्राउ परेको बताएका छन्।
कांग्रेसको संसदीय दलको बैठकपछि सिंहदरवारमा बोल्दै सांसद शर्माले यस्तो बताएका हुन् । सांसद शर्माले प्रचण्ड नेतृत्वको सरकारले उद्योगपतिहरूलाई पक्राउ गरेर अन्डर टेबुल पैसा डील गर्ने गरेको दाबी गरे।
सांसद शर्माले भने, ‘मीनबहादुर गुरुङदेखि अरुण चौधरीसम्मको गिरफ्तारी माओवादी अध्यक्षसमेत रहेका पुष्पकमल दाहाल र गृहमन्त्री नारायणकाजी श्रेष्ठको डीजाइनमा हो। उनीहरूले ठूला उद्योगपति र घरानाहरू पक्राउ गर्ने, ह्यारेस गर्ने र अन्डर टेबुल पैसा डील गर्छन्।’
सांसद शर्माले चौधरी ग्रुपले सरकारले आह्वान गरेको खुला बिक्रीबाटै बाँसबारी जुत्ता कारखानाको सेयर खरिद गरेको बताए।
बैठकमा विनोद चौधरीले अरुण चौधरीको पक्राउप्रति संसदीय दलको ध्यानाकर्षण गराएका थिए।
