थुनुवासहित भागेका प्रहरी पक्राउ
कागजपत्र |
काठमाडौं- थुनुवालाई लिएर भागेका नेपाल प्रहरीका जवान १६ वर्षपछि पक्राउ परेका छन् ।
रौतहटका वीरवल यादवलाई काठमाडौं उपत्यका अपराध अनुसन्धान कार्यालयको टोलीले पक्राउ गरेको हो । रौतहट घर भएका यादव लामो समय भारतमा लुकेर बसेका थिए । उनलाई नेपाल आएको मौका पारेर पक्राउ गरिएको हो ।
लागुऔषध मुद्दामा पक्राउ परेका भारतीय नागरिकलाई उनले १० लाख रूपैयाँ पाउने आशामा भगाएको बताइएको छ ।
